Namungo wana jambo lao Kimataifa msimu ujao

Kocha Mkuu wa Namungo FC, Cedric Kaze amesema malengo yao kama klabu ni kurudi kucheza michuano ya Kimataifa kama walivyowahi kufanya miaka kadhaa iliyopita.

Kaze amesema, kwa sasa anawaandaa wachezaji wajue jinsi gani ya kucheza wakiwa na mpira na wasipokuwa na mpira, nini wafanye wanapokuwa uwanjani na hata nje ya uwanja.

"Tunataka kucheza michuano ya Kimataifa hivyo ni lazima tufanye vizuri msimu huu, tuangalie zile nafasi tunazozitengeneza kule mbele kuzifanya ziwe magoli. Tunapaswa kucheza vizuri ili tuweze kupata matokeo," alisema Kaze.

Kaze amejiunga na Namungo msimu huu kama kocha mkuu akitokea Yanga SC alipokuwa kocha msaidizi chini ya Kocha Mkuu Nasreddine Nabi.

Mchezo wake wa kwanza dhidi ya JKT Tanzania, Kaze alipoteza kwa 1-0.