Namungo vs Polisi TZ ni mechi ya kisasi

Ligi Kuu soka Tanzania Bara inaendelea leo kwa mchezo miwili kupigwa mikoa ya Lindi na Geita.

Polisi Tanzania inayoshika mkia ni wageni wa Namungo kwenye uwanja wa Majaliwa uliopo Ruangwa, Lindi.

Katika mchezo wa kwanza kati timu hizo Oktoba 19, 2022 Polisi Tanzania iliichapa Namungo bao 1-0 kwenye uwanja wa Sokoine jijini Mbeya.

Namungo ipo nafasi ya 5 katika msimamo wa ligi ikiwa na pointi 26 baada ya michezo 19 wakati polisi inashika nafasi ya 16 ikiwa na pointi 11.

Katika mchezo mwingine Geita Gold ni wenyeji wa Dodoma Jiji kwenye uwanja wa Nyankumbu, katika Halmashauri ya Geita.

Geita ipo nafasi ya 8 ikiwa na pointi 24 baada ya michezo 19 wakati Dodoma jiji ni ya 12 ikikusanya pointi 21.