Nabi amwandaa Mshery dhidi ya Dodoma Jiji

KITENDO cha Aboutwaleeb Mshery (21), kujiunga na Yanga na kuanza mazoezi moja kwa moja kinaonyesha huenda akaanza kwenye mchezo ujao wa ligi dhidi ya Dodoma Jiji.

Yanga inatarajia kushuka uwanjani Ijumaa Desemba 31 kwenye uwanja wa Mkapa saa 1 usiku ikitarajiwa kumkosa kipa wao namba moja Djigui Diarra ambaye ambaye ameenda kuitumikia timu yake ya taifa ya Mali.

Mshery anaungana na timu ya Yanga akiwa ametoka kwenye mchezo wa ligi dhidi ya Coastal Union na timu yake kuibuka na ushindi wa bao 1-0.

Amepumzika masaa tu na tayari ameanza kujiweka fiti akiwa na timu yake mpya ambayo inajiandaa na mchezo wao ligi Ijumaa.