Nabi aapa kuichapa Simba Jumapili

Kocha Mkuu wa Yanga Nasreddine Nabi amesema mwendo wake ni ule ule wakati watakapokutana na Simba Jumapili April 16.

Nabi ambaye tangu aanze kazi Yanga Novemba 25,2021, ndani ya mechi nane za mashindano yote dhidi ya Simba ameshinda nne akipoteza moja na kutoa sare tatu amefunguka kuwa:

“Tunawaheshimu Simba ni timu yenye mabadiliko lakini hatuwezi kuwa na presha hata kidogo, tutakwenda kuandaa timu itakayokuja uwanjani kucheza kwa ubora mkubwa kwenye mechi hii kubwa, tunawajua vizuri sana,”

“Narudia, tunaiheshimu Simba na hautakuwa mchezo rahisi lakini niseme Yanga itaingia uwanjani kucheza kwa ubora mkubwa kwa ujazo wa mchezo mkubwa kama huo ili tupate ushindi.”