Simba yachezea kipigo cha Tanzania Prisons
Klabu ya soka ya Simba imedondosha alama tena kwenye msimamo wa Ligi baada ya kukubali kipigo cha bao 2-1 kutoka kwa Tanzania Prisons jioni ya leo Jumatano, Machi 6, 2024 katika Uwanja wa Jamhuri Morogoro.
Mabao yote ya Prisons yamefungwa na Samson Mbangula dakika ya 45+3 na dakika ya 62 huku bao la kufutia machozi la Simba SC likifungwa na Fabrice Ngoma dakika ya 89.
Simba anaendelea kusalia nafasi ya 3 kwenye msimamo wa ligi huku wakiwa na alama zao 36, Yanga akiwa nafasi ya pili kwa tofauti ya alama 7 (alama 43) na wapinzani hawa wawili wote wakiwa wamelingana idadi ya michezo 16.
Nafasi ya kwanza ni Azam FC wenye alama 44 na lakini Azam wana michezo 20 na hii ni baada ya kutoka sare ya bao 1-1 ma CoastalUnionjioni ya leo.
Je, Simba bado ana matumaini ya ubingwa msimu huu?