Yanga wanaongoza kwa Bao 1-0
"God father" wa Bujumbura, Said Ntibazonkiza anawapa goli la dakika za mwisho la uongozi Yanga katika mchezo wa Ligi Kuu NBC ndani ya Dimba la Manungu Complex dhidi ya wakata miwa wa Mtibwa Sugar.
Yanga wanakwenda kifua mbele kwa uongozi wa goli 1-0 wakifaidika na makosa yaliyofanywa na mchezaji wa Mtibwa Sugar Juma Nyangi aliepoteza mpira katika eneo lake la hatari, mpira uliomkuta Feisal Salum nae akampasia Saido bila hiyana akaachia shuti kali la mguu wa kulia lililokwenda moja kwa moja wavuni.
Mchezo una ushindani wa hali ya juu huku Mtibwa wakionekana kucheza kwa tahadhari wakihakikisha wanamdhibiti vilivyo mshambuliaji wa Yanga Fiston Mayele.
Pengine tusubiri Mwalimu Salum Mayanga atarudi na mbinu gani kuhakikisha anasawazisha goli na hatimaye kupata ushindi.