Mzize mchezaji bora kinda

Mshambuliaji kinda wa Yanga SC, Clement Mzize ameshinda tuzo ya mchezaji bora chipukizi (chini ya umri wa miaka 20) kwenye ligi kuu soka ya NBC Tanzania Bara kwa msimu wa mwaka 2022/23.

Mzize ameshinda tuzo hiyo akiwaburuza Ladack Chasambi wa Mtibwa Sugar na William Mwani wa Mbeya Kwanza na tuzo hiyo imepokelewa na Makamu wa Rais wa Klabu ya Yanga, Arafat Haji.

Kocha Mkuu wa Yanga SC Nasreddine Nabi amekuwa akimuamini kinda huyo na kumpa nafasi ya mara kwa mara kucheza kwenye kikosi chake na mara baada ya kutwaa tuzo hiyo kocha Nabi alisikika akimpongeza na kumwambia anataka kumuona akiwa mchezaji bora Afrika na siyo ndani ya Tanzania pekee.

Andrew Simchimba wa Ihefu FC ametwaa kiatu cha mfungaji Bora katika Michuano ya Kombe la Shirikisho la Azam msimu wa 2022/23 akiwa amefunga jumla ya mabao 7 mbele ya Clement Mzize wa Yanga mwenye mabao 6.