Mzize aachiwa msala Azam Sports Federation

Straika wa Mbeya City, Richardson Ngy’ondya amesema mabao matano aliyofunga kwenye Kombe la Shirikisho (ASFC) yanatosha japokuwa malengo yake ilikuwa ni kubeba tuzo na sasa anawaachia waliobaki kwenye kinyang’anyiro.

Ngy’ondya alikuwa miongoni mwa nyota wanaowania kiatu cha mfungaji bora kwenye michuano hiyo baada ya kufunga mabao matano akiachwa na staa wa Yanga, Clement Mzize (sita) na Andrew Simchimba wa Ihefu anayeongoza kwa mabao saba.

Akizungumza, Kinda huyo alisema mabao hayo yamempa nguvu ya kujiamini kuwa anaweza kufunga zaidi, hivyo kwa sasa anawaachia waliobaki kwenye mtifuano na kwamba yeyote atakayeweza na achukue tuzo hiyo.

Ngy’ondya aliishuhudia Timu yake ikitolewa hatua ya Robo Fainali na Singida Big Stars.