Mzamiru Yassin akiwa katika majukumu Uwanjani
Kiungo Punda, ndiyo jina ambalo linapendwa na watu wengi sana kumtambulisha au kumuita kiungo wa Simba Mzamiru Yassin kutokana na kazi kubwa ambayo anafanya akiwa uwanjani.
Mzamiru amefunguka kwa mara ya kwanza kuhusiana na kuitwa kiungo Punda na mashabiki na kusema kuwa yeye kwake poa tu.
Kiungo huyo alisema, kwa kuwa watu wamependa kumuita hivyo hawezi kuwa na sababu ya kupinga kwa sababu kwake ni kama sifa na utambulisho wa kazi yake bora ambayo uwa anaifanya akiwa na uzi wa Simba.
“Watanzania na mashabiki wote wamependa na wamekubali, mimi ni nani niweze kupingana na hilo, acha waniite tu kiungo Punda kwa sababu hiyo ni alama ya kazi yangu kubwa ambayo naifanya nikiwa uwanjani,” Alisema kiungo huyo.