Mzamiru, Kibu waongeza mzuka kambini Simba SC

Nyota wanne waliokuwa wameitwa kwenye timu ya Taifa, Mzamilu Yassin, Kibu Denis, Kennedy Juma na John Bocco, wameongeza mzuka kambini Simba SC baada ya kujiunga na wenzao hapo jana Septembe 11, 2023.

Nyota hao wamejiunga moja kwa moja kambini Bunju wakitokea nchini Algeria walipokuwa wamekwenda kuipambania nchi dhidi ya nchi hiyo na kufanikiwa kufuzu kwenda Fainali za AFCON mwakani.

Simba wanajiandaa na mchezo wao wa kwanza wa Ligi ya Mabingwa Afrika dhidi ya Power Dynamos utakaopigwa Septemba 16, 2023 katika dimba la Levy Mwanawasa, Ndola Zambia.