Mugalu atua Baghdad, asajiliwa na timu ya Jeshi

Aliyekua mshambuliaji wa Klabu ya Simba SC, Chriss Mugalu (31) amejiunga na timu ya jeshi la anga la Iraq, Al Quwa Al-Jawaiya ambayo inashiriki ligi kuu nchini humo.

Mugalu ambaye ni raia wa Congo DR ni moja ya wachezaji walioachwa na Simba hivi karibuni baada ya pande zote mbili kufikia makubaliani.

Mugalu amesaini kandarasi ya mwaka mmoja kuwatumia wajeda hao wenye maskani yao katika wilaya ya Rusafa, Baghdad.

Wengine waliotemwa pamoja na Mugalu ni Medie Kagere ambaye tayari amesajiliwa na Singida Big Stars na Thadeo Lwanga ambaye bado hajajulikana anakwenda wapi.