Mudathir Yahya ananikumbusha Fabregas

Unaikumbuka ile Barcelona ya moto chini ya Pep Guardiola kuanzia mwaka 2008 hadi 2012? Nakukumbusha alichokuwa anakifanya Cesc Fabregas baada kujiunga na Barca mwaka 2011 akitokea Arsenal.

Wakati huo Barcelona wakiwa na Pep alikuwa akimtumia Cesc Fabregas kucheza as namba tisa kivuli (false 9) msimu wa 2011/2012 ambapo Fabregas alifanikiwa kufunga magoli 14.

Sasa stori ile ya Fabregas imenifanya niweke uhusiano wa hiki ambacho anakifanya Mudathir Yahya Abbas ndani ya Yanga. Licha ya kuwa Mudathir hachezi namba kivuli ila amekuwa clinical kwenye kufunga magoli,hadi sasa Ligi Kuu amefunga goli 6.

Mudathir Yahya Abbas uwezo wake,timing,namna ya anavyojua kujiweka katika maeneo rafiki hasa ndani ya 18 ndio imenifanya nimtaje kwamba ni mchezaji ambaye ananikumbusha kile ambacho alikuwa akikifanya Cesc Fabregas ndani ya Barcelona.