Mtoto wa Rio Ferdinand amfuata baba yake

Mtoto mkubwa wa Rio Ferdinand, Lorenz amesaini mkataba na kampuni ya New Era Global Sports Management, akiungana na baba yake na mjomba wake Anton.

Mchezaji huyo mwenye umri wa miaka 17 alisajiliwa na Brighton kama golikipa wao wa kikosi cha umri chini ya miaka 18 mwaka 2022 na amecheza mechi 18 kwenye kikosi hicho cha Seagulls msimu huu.

Wateja wapya wa kampuni hiyo ya kusimamia wachezaji katika ligi ya England kwa sasa ni pamoja na mabeki wa Everton Ben Godfrey na Michael Keane pamoja na Jacob Murphy.

Mbali na nyota wa sasa, kampuni hiyo inasimamia pia maslahi ya Ferdinand, Mick McCarthy, Harry Redknapp na Robbie Savage.

Lorenz alitangaza habari hiyo kwa kuandika katika ukurasa wake wa Instagram siku ya Alhamisi, ambalo lilijumuisha picha zake akiwa na wakuu wa kampuni, na pia picha moja akiwa na baba yake na mama yake wa kambo Kate.

Mjomba wake Anton alikuwa miongoni mwa watu waliompongeza kijana huyo, akiandika: 'Karibu kwenye familia ya kazi.'

Beki huyo wa zamani wa West Ham na QPR ameorodheshwa kama balozi na mshauri, nafasi sawa na iliyoshikiliwa katika kampuni hiyo na Rio.

New Era ilianzishwa mwaka 2007 na wanasoka mahiri wa zamani Jamie Moralee na Peter Smith.