Ronaldinho na mwanae Joao de Assis Moreira almaarufu kama Joao Mendes
Mtoto wa Mkongwe wa Barca Ronaldinho amefuata nyayo za baba yake na kusaini mkataba na klabu ya Barcelona.
Joao de Assis Moreira almaarufu kama Joao Mendes (17) amejiunga na klabu hiyo baada ya kuwa kwenye majaribio tangu Januari, kabla ya hapo alikuwa na klabu ya Cruzeiro ya Brazil.
Akizungumzia kujiunga kwa mtoto wake kwenye klabu hiyo Ronaldinho (42) ambaye ni balozi wa Barca amesema “ndio, kijana wangu anakuja sasa, sijawahi kuondoka Barca, ni sehemu ya maisha yangu. Kila ninapoenda naenda nayo moyoni. Na kwa kijana wangu kujiunga na klabu, nitakuwepo zaidi sasa”
Joao ambaye ni mshambuliaji anajiunga na La Masia Academy ambayo ndiyo iliyowapika wanasoka maarufu kama Lionel Messi, Andres Iniesta, Xavi, Bosquets na Gavi.