Mtihani wa kwanza kwa Kocha Hitimana

Baada ya masaa machache tu tangu akamate usukani wa kuliongoza benchi la ufundi la wekundu wa Msimbazi, akichukua nafasi ya Didier Gomes, Kocha Thiery Hitimana anakumbana na mtihani wake wa kwanza pale atakapokutana na vinara wa Ligi Kuu Tanzania Bara (NBC Primia Ligi).

Simba itawakaribisha Polisi Tanzania, katika dimba la Mkapa Jijini Dar es Salaam majira ya saa 1:00 usiku, katika muendelezo wa Ligi Kuu na huo ndio utakua mchezo wa kwanza kwa Kocha Thiery Hitimana.

Wengi wanasubiri kuona ni aina gani ya mchezo Simba watacheza chini ya Mwalimu mpya, hasa ikizingatiwa kuna mchanganyiko wa hisia baina ya mashabiki huku walio wengi wakisikitishwa na kuondoka kwa Gomes.

Simba inakwenda kwenye mchezo huo ikiwa na alama nne baada ya kucheza michezo miwili na inakamata nafasi ya tisa katika msimamo wa Ligi.

Polisi Tanzania wao wanakamata nafasi ya kwanza katika kilele cha msimamo wakiwa na alama tisa baada ya kucheza michezo mitatu