Kocha wa Klabu ya Arsenal, Mikel Arteta
Baada ya kulazimisha sare ya dakika za jioni siku ya jumatatu wiki hii dhidi ya Crystal Palace, Leo Oktoba 22, Arsenal watawakaribisha Aston Villa katika dimba la Emirates majira ya saa nne usiku.
Mchezo huo wa Ligi kuu ya England dhidi ya Aston Villa ni mtihani mwingine kwa mwalimu Arteta ambaye tangu kuanza kwa msimu huu bado hajakuwa na matokeo ya kuridhisha sana kwa namna alivyouanza msimu kwa kupoteza michezo mitatu mfululizo.
Aston Villa ambao wanaonekana wameimarika watakua wanasaka nafasi ya kusogea juu ya msimamo wa EPL, na kujiepusha katika nafasi za mkiani.
Arsenal wanakamata nafasi ya 12 wakiwa na alama 11 wakiwa wameshacheza michezo 8 katika Ligi hiyo.
Aston Villa wanakamata nafasi ya 13 wakiwa na alama 10, huku wakiwa wameshacheza michezo 8.