Mtibwa vs Dodoma Jiji
Uimara wa kipa wa Mtibwa Sugar, Aboutwalib Mshery (21), umeisaidia timu yake dakika 10 za kwanza kuwa salama.
Dodoma Jiji ndani ya dakika 10 za kwanza, ilianza Mechi kwa kasi iliyoifanya ifike mara kwa mara langoni mwa Mtibwa Sugar ambapo Mshery alikuwa makini kupangua hatari hizo.
Kuanzia dakika 11 mechi ilichanganya, ambapo timu hizo zilikuwa zinashambuliana kwa zamu.
Said Ndemla na Ibrahim Ame walikuwa wanafika kwa kushitukiza langoni kwa Dodoma Jiji,walikutana na ulinzi mkali wa kudhibiti mashuti yao.
Washambuliaji wa Dodoma Jiji walionekana kuwapa presha zaidi mabeki wa Mtibwa Sugar na isingekuwa umakini wa kipa Mshery wangejikuta wanaiingiza hasara timu yao.
Dodoma Jiji kuanzia dakika ya 30 hadi 45 ilionekana kuwa na mipango ya kusaka bao, ilipiga pasi zisizo na papara kuanzia eneo lao la kiungo ambalo lilikuwa linaongozwa na Cleophace Mkandala akisaidiana na mawinga kama Emmanuel Martin.
Kabla ya mchezo wa leo,Mtibwa Sugar ilifungaa mechi mbili dhidi ya Mbeya Kwanza, Kagere Sugar na ilitoka sare na Geita Gold na Prisons.