Mshindi wa AFCON aongezewa mtonyo

Mshindi wa mchezo wa Fainali ya AFCON kati ya Ivory Coast ‘The Elephant’ ambao ni wenyeji dhidi ya Nigeria ‘ Super Eagles’ kupata kiasi cha maana cha pesa katika mchezo huo utakaofanyika kesho.

Shirikisho la Mpira wa Miguu la Afrika (CAF) lilitangaza ongezeko la 40% la Pesa kwa Mshindi wa kombe hilo kuwa atapokea USD 7,000,000/= (Ambazo ni sawa na Tsh 17,810,072,317/= (kwa Fedha ya Tanzania)

Mshindi wa pili wa michuano hayo anatarajiwa kupata kiasi cha USD 4,000,000/= (Ambazo ni sawa na kiasi cha Tsh 10,177,086,355.97 /= (kwa fedha ya Tanzania).

Rais wa CAF Dk Patrice Motsepe alisema: “CAF imepata maendeleo makubwa katika kipindi cha miaka miwili iliyopita katika kuongeza pesa za AFCON na mashindano mengine yote makubwa.

“Tumeongeza Pesa ya Tuzo ya Mshindi wa AFCON hadi USD 7 000 000 ikiwa ni ongezeko la 40% kutoka pesa ya awali ya Tuzo ya AFCON. Nina imani kuwa sehemu ya pesa ya tuzo itachangia kuendeleza soka na pia kuwanufaisha wadau wote wa soka, pamoja na kusaidia Vyama vyetu vya Wanachama katika tawala zao,” alisema Motsepe.