Mpunga wa Euro ni balaa tupu

Michuano ya Euro inatarajiwa kuanza kutimua vumbi kesho huko Ujerunani ambapo mwenyeji atakuwa uwanjani kuvaana na Scottland kuanzia saa 4:00 usiku, huku macho na masikio ikiwa ni mpunga ambao timu shiriki utazipata.

Kijumla Uefa imeandaa Euro 331 milioni ambazo itazigawa kwa timu shiriki kulingana na nafasi itakazomaliza kuanzia makundi hadi bingwa.

Timu zote 24 kila moja imepata Euro 9.25 milioni kwa kufuzu tu kucheza michuano hii.

Kwenye makundi kila mechi ambayo timu inashinda hupata Euro 1 milioni na ikitoka sare itapata Euro 500,000.

Timu inayofuzu kucheza hatua ya 16 bora itapata Euro 1.5 milioni, robo fainali Euro 2.5 milioni.

Kwa nusu fainali timu itakayofika itapata Euro 4 milioni.

Timu itakayopoteza fainali itapata Euro 5 milioni na bingwa kwenye mchezo wa fainali atapata Euro 8 milioni.

Kiujumla timu ambayo itapambana katika hatua zote hadi kuchukua ubingwa itaweza kujikunjia kiasi kisichopungua Euro 28.25 milioni.