Mchezaji wa DTB, Amisi Tambwe
Mshambuliaji na nahodha wa DTB FC, Amiss Tambwe amesifu malipo yanayotolewa na Ligi kuu Tanzania Bara kuwa ni miongoni mwa ligi zinazolipwa vizuri Afrika mashariki na kati.
Tambwe ameyasema hayo wakati akihojiwa na kituo cha televisheni cha TV E, katika kipindi cha michjezo cha "Namba ten".
"Unajua mimi wakati natoka Burundi sikua lolote, kwa hiyo mpira wa Tanzania ndio umenipa maisha"
"Sikuwahi kugusa hela ambayo nimekuja kuigusa hapa, akilini mwangu nilikuja nikajua nakuja kutafuta maisha, hilo ndilo lililokuwa kichwani mwangu" amesema Tambwe
Aidha tambwe amesema sababu ya wachezaji wengi wa Tanzania kutotoka kwa wingi nje ya nchi ni kutokuwa na nidhamu.
Aidha Tambwe ameweka wazi kuwa inatokea mchezaji anamjibu kocha vile vyovyote anavyojisikia yeye, hata mazoezi anakuja kufanya pale anapojisikia.