Mourinho atoboa siri za Salah, Kevin De Bruyne

Kocha wa Roma, Jose Mourinho amefichua siri ya Chelsea kuwauza mastaa wa Ligi Kuu England, Kevin De Bruyne na Mohamed Salah, akisisitiza kuwa walikuwa wadogo sana kipindi hicho, na walikuwa na tamaa ya mafanikio.

Kocha huyo wa zamani wa Chelsea aliyewahi ndiye aliyeamua kumuuza De Bruyne katika klabu ya Wolfsburg na Salah akajiunga na Roma. Tangu mastaa hao walipoondoka Chelsea, wawili hao wakaimarika na kuwa wachezaji bora wa Ligi Kuu England, huku mashabiki wakimponda Mourinho sababu ya uamuzi wake wa kuwauza kipindi hicho.

Mourinho sasa ametoboa siri kwamba De Bruyne na Salah walishindwa kuvumilia wakati wanakipiga Stamford Bridge, ndio maana walionyesha nia ya kuondoka mapema.

“Kusema kweli, walitaka kuondoka kwa sababu walionyesha nia wenyewe, hawakutaka kusubiri mafanikio kwa muda mrefu, historia inaonyesha uamuzi wao ulikuwa na maana kubwa sana, kuna wakati watoto wanafanya uamuzi wa haraka sana, wakati mwingine maisha yao ya soka yanaenda kwa njia tofauti, hawakuwa wavumilivu au kusubiria muda muafaka.”