Mourinho atalipwa €10.5m kwa mwaka huko Fenerbahce

Fenerbahce wanasema kocha mpya Jose Mourinho atalipwa €10.5m kila msimu baada ya kuafikiana na mkataba wa miaka miwili.

Fenerbahce ilifichua takwimu hizo katika tangazo la kufahamisha soko la hisa siku ya Jumatano, siku tatu baada ya klabu hiyo ya Uturuki kumwasilisha Mourinho kwa maelfu ya mashabiki kwenye uwanja wao.

Hakutajwa ukubwa wa bonasi kwenye mkataba wa Mourinho.

Mourinho amepewa jukumu la kutwaa ubingwa wa ligi ya Uturuki, jambo ambalo Fenerbahce haijafanikiwa tangu 2014. Timu hiyo ilichapwa na wapinzani wao Galatasaray mwezi uliopita.

Fenerbahce pia itaingia kwenye Ligi ya Mabingwa katika raundi za mapema za kufuzu mwezi Julai.