Uwanja waliochezea Mount Hanang vs Osysterbay Girls
Baada ya kufungwa 7-0 na Oysterbay Girls Leo kwenye mchezo wa Ligi Daraja la kwanza kwenye Uwanja wa CCM Kirumba, Kocha wa kikosi Cha Mount Hanang amesema Kuna bomu atalilipua Wapinzani wajipange.
Katika mchezo huo wa mwisho kwa upande wao wa kuhitimisha hatua ya makundi, nyavu zao zilitikiswa na Zainabu Mlenda (2), Fatuma Mbela (2), Monica Conrad (2) na Asha Mtaki 1.
Akizungumza na Kocha Raphael Goodlucy amesema kichapo hicho wala hakijamvuruga, ila Kuna kitu amekipata na msimu ujao wataona moto wake.
"Sijashangaa kufungwa hivi, nina Wachezaji wachanga Sana, wengi wanasoma Shule ya msingi, msimu huu tumekuja kujifunza tu, lakini msimu ujao nawaambia ukweli Wapinzani tutawafunga Sana tu" .
Amesema anaenda kuandaa timu baada ya kuwa timu ya kwanza kufungashiwa virago kwenye mashindano hayo, msimu ujao ametamba atawaumiza wengi wataokuja kizembezembe .
Mpaka sasa ni timu 3 ambazo zimefuzu hatua ya 8 bora, JMK Park toka Dar Es Salaam, Geita Gold Queens ya Geita na Oysterbay Girls ya Dar Es Salaam huku Mount Hanang wa Manyara wakiwa ndio timu pekee ambayo imeaga mashindano mpaka Sasa.