Mohammed Salah aweka rekodi nzito Liverpool

Mshambuliaji wa Liverpool, Mohammed Salah ameweka rekodi ya kuwa mfungaji bora wa muda wote wa Liverpool katika Ligi kuu ya England (EPL) akimpiku Robbie Fowler aliekuwa akikamata nafasi ya kwanza.

Rekodi hiyo inakuja baada ya Raia huyo wa Misri kupachika mabao mawili dhidi ya Man United leo Jumapili wakiidhalilisha United kwa kipigo cha Mabao 7-0.

Mabao mawili aliyofunga Salah yanamfanya kufikisha mabao 129, huku Fowler akiwa na mabao 128, nafasi ya tatu ikikamatwa na Steven Gerrard mwenye mabao 120.