Miongoni mwa Nyota wanaong'ara katika timu zao Barani Ulaya
Raia huyo wa Misri anaongoza Chati ya wafungaji katika Ligi ya EPL, na mchambuzi wa Kituo cha Skysports amesema hakuna mchezaji barani Ulaya anaefikia kiwango cha uchezaji anachocheza Salah.
Lakini takwimu zinasemaje?
Mshambuliaji huyo Raia wa Misri amefunga magoli sita na kutoa pasi tatu za magoli katika michezo saba ya ligi aliyocheza mpaka hivi sasa na ikichagizwa na goli bora na zuri alilofunga katika sare ya magoli 2-2 dhidi ya Manchester City siku ya Jumapili.
"Sifikiri kama kuna mchezaji yoyote anaecheza vizuri kama hivi duniani ama Ulaya kwa sasa" amesisitiza Carragher baada ya filimbi ya mwisho
"Takwimu zake tangu kuanza kwa msimu huu hazielezeki" amesisitiza Gwiji hyo wa zamani wa Liverpool
Takwimu za Salah katika EPL
Je, kuna mchezaji yoyote anaeweza toa upinzani kwa Salah?
Kwa kweli yupo, mchezaji mmoja yuko kwenye kiwango bora kwa sasa, mshambuliaji wa Real Madrid Karim Benzema amefunga magoli 9 na kutoa pasi za mwisho 7.
Mjadala huu umekuja wakati Majina ya watakaoshindania tuzo ya Ballon d'Or yakitarajiwa kutangazwa Ijumaa hii.
Nyota wanaotajwa kugombea tuzo hiyo ni pamoja na Salah, Robert Lewandowski, Karim Benzema, Kylian Mbappe na Erling Haaland.