Mo Dewji:Tukimtaka Mayele tunambeba

Mwekezaji katika Klabu ya Simba SC, Mohammed Dewji amesema Simba ni Klabu kubwa na iwapo inamtaka mchezaji na akaonesha mapenzi ya kucheza Simba basi hakuna cha kuwazuia.

Katika mahojiano yake na Global TV, Mwandishi alimuuliza kuhusiana na Mshambuliaji wa Yanga Fiston Mayele ubora alionao na kiwango chake kwa sasa.

Majibu ya Dewji kuhusu kuangalia mechi za Yanga, kumuona Mshambuliaji Fiston Mayele na pengine kama anatamani asajiliwe Simba.

"Kwa bahati mbaya niwe mkweli mimi sifuatilii sana mechi za Yanga "

"Sijamuona kwenye mechi lakini namsikia namuona kwenye mitandao , naona clips zake anavyofunga magoli nampongeza ni Mchezaji mzuri sana na namuombea kila la kheri"

" Mimi siwezi kuongea kutokana na mkataba wake na Yanga lakini unajua Simba tupo tayari kujaribu kumpata Mchezaji bora popote Afrika , kama atakuwa ameorodheshwa na kama mkataba wake yupo tayari kuvunja na Yanga kuja Simba basi Simba itakuwa tayari lakini ni baada ya Benchi la ufundi na Scout wakikubaliana nalo " amesema Mo