Mkimbiaji Marathon afariki akirejea nyumbani

Mkimbiaji mmoja ambaye Jumapili iliyopita alimaliza mbio za London Marathon chini ya masaa matatu, amefariki dunia wakati akiwa safarini kurudi nyumbani kwake.

Steve Shanks (45) kutokea Nottingham aliwahi kukimbia na kumaliza katika marathon nyingi hivyo alikuwa na uzoefu mkubwa.

Kupitia mtandao wa Instagram mke wake amesema "Alikuwa akitokea London alikokuwa amekwenda kushiriki katika London Marathon,nimepatwa na mshtuko, nimesikitika, kifo chake kimekuwa cha ghafla sana."

Wadau mbalimbali wa riadha ikiwemo waandaaji wa London marathon wametuma salamu zao za rambirambi kufuatia kifo cha mkimbiaji huyo.