Yanga wakishangilia bao.
Mshambuliaji wa Kagera Sugar, Amza Moubarack Ngamchiya amesema ni kazi ngumu kucheza na timu kubwa kama Yanga yenye kila aina ya wachezaji bora ambao wanaweza kuamua matokeo wakati wowote.
Amza ambaye ni raia wa Cameroon amesema Yanga SC ina wachezaji kama Stephane Aziz Ki, Khalid Aucho na Ibrahim Bacca wamewapa wakati mgumu na kuufanya ubao ukasoma Yanga 1-0 Kagera Sugar, bao likifungwa na kiungo Mudathir Yahya baada kuingia uwanjani akitokea benchi.
“Kucheza na Yanga ni kazi ngumu, wana timu bora sana, kucheza nao sio rahisi. Tumepambana, tumepambana lakini wamefunga bao moja. Mpira ndiyo ulivyo, unaweza kushinda au kufungwa ama kutoa sare.
“Tuna ratiba ngumu sana, baada yah ii mechi tunakwenda kucheza na Simba kisha Coastal Union halafu Azam Fc. Mechi za mwisho ni ngumu sana lakini tutapambana mpaka mwisho.
“Sio mchezaji mmoja ama wawili, yanga wanao wachezaji wengi wazuri bora kama Aziz Ki, Pacome, Aucho na wengine lakini kidogo mabeki wanachelewa kufika kwenye mpira, lakini timu iko vizuri,” amesema Amza.