Miquisson na wenzake nane wapimwa afya Uturuki

Wachezaji tisa akiwemo Luis Miquisson wa Simba SC ambao hawakufanya vipimo kabla ya timu kuondoka Tanzania, wamefanyiwa vipimo vya afya katika Hospitali ya Medicalpark Göztepe nchini Uturuki.

Vipimo hivyo vimefanyika kwa ajili ya kujua hali zao kabla ya kuanza michezo ya msimu mpya.

"Afya zipo vizuri na uwanjani wako vizuri. Tukutane Simba Day 2023," wameandika Simba kupitia ukurasa wa Instagram.

Zoezi la upimaji afya limefanyika kwa ushirikiano ambao Simba imeingia na kampuni ya East Africa Afya na hospitali ya Medicalpark Göztepe.

Wengine waliopimwa afya ni pamoja na Sadio Kanoute na Peter Banda.