Mikel Arteta Kocha bora wa Mwezi EPL

Meneja wa Arsenal, Mikel Arteta ameshinda tuzo ya kocha bora wa mwezi Januari wa ligi kuu England.

Hii ni tuzo ya pili mfulululizo kwa Bosi huyo wa Arsenal baada ya kunyakuwa ya mwezi uliopita ambayo iliunganisha miezi ya Novemba na Desemba.

Arteta aliiongoza Arsenal mwezi uliopita kupata alama saba katika michezo mitatu ya mwezi uliopita wakishinda dhidi ya Tottenham, Manchester United na kutoa sare dhidi ya Newcastle.

Hii ni tuzo ya tatu kwa Arteta ndani ya msimu huu huku akishinda nyingine mwezi Agosti mwaka jana.