Mikakati ya pre-season Azam FC iko hivi

Wawakilishi wa Tanzania kwenye Ligi ya Mabingwa Afrika, Azam FC mpango kazi wao mkubwa ni kuweka kambi sehemu tatu tofauti kwa maandalizi ya msimu mpya wa 2024/25.

Ipo wazi kwamba Azam FC itakuwa na kazi kupeperusha bendera ya Tanzania kwenye Ligi ya Mabingwa Afrika baada ya kugotea nafasi ya pili na pointi 69 ikicheza mechi 30 ambazo ni dakika 2,700.

Mkuu wa Idara ya Habari Azam FC, Zakaria Thabit amebainisha kwamba wanatambua namna ushindani ulivyo mkubwa na hesabu zao ni kuweka kambi kwenye sehemu bora zenye utulivu kwa maandalizi ya msimu mpya.

“Inapofika kwenye suala la maandalizi hapa ni muhimu kuwa na kambi yenye hadhi na nzuri. Tutakuwa na kambi ndani ya Tanzania na nje ya Tanzania taratibu zikikamilika kwenye upande wa vibali tutabainisha wapi tutakuwa.