Micho apata mtetezi Uganda

Wakati Timu ya Taifa ya Uganda ikishindwa kufuzu kwa Michuano ya AFCON mwakani itakayopigwa nchini Ivory Coast.

Ilimtimua aliekuwa Kocha wake Milutin Sledjovic Micho akionekana ameshindwa majukumu.

Sasa Kiungo wa zamani wa Uganda Brian Majwega amemtetea Kocha huyo akisema sio sababu ya Uganda kutofanya vyema.

Akizungumza anasema;

"Micho hakuwa sababu ya timu yetu ya taifa kutokufanya vizuri lakini unavyojua huwa tunatafuta njia ya kumtoa mmoja mhanga ili wengine wapone, tatizo tulilonalo ni kuwa na kiongozi wa soka ambaye hajawahi kucheza mpira kabisa, Tunahitaji kiongozi anayejua jinsi tunavyojisikia baada ya kupoteza mechi, "