Saido Ntibazonkiza
Kaimu Kocha Mkuu wa Simba, Juma Mgunda ameibuka na kummwagia sifa nyingi kiungo mshambuliaji, Mrundi Saidi Ntibanzokiza Saido' na kutamka jamaa anajua sana.
Kauli ya kocha huyo imekuja ikiwa ni siku chache tangu, kiungo huyo atoke kupiga Hat Trick na asisti moja katika mchezo wake wa kwanza wa Ligi Kuu Bara alioucheza dhidi ya Tanzania Prisons siku chache tangu atambulishwe na timu hiyo.
Akizungumza na Championi Jumatano, Mgunda alisema kuwa yeye ndiye aliyependekeza usajili wa kiungo huyo kutokana na kufahamu ubora na uzoefu wake ndani ya uwanja.
"Nilikuwa nahitaji mchezaji wa aina ya Saido atakayesajiliwa na moja kwa moja akaingia katika kikosi cha kwanza na hilo amelithibitisha katika mchezo wa ligi uliopita tuliocheza dhidi ya Prisons.