Messi anarudi Barcelona kwa staili hii...!

Kuondolewa kwa Inter Miami kwenye mechi za mchujo za MLS kumefungua milango ya uwezekano wa Lionel Messi kurejea nyumbani katika klabu yake ya Barcelona.

Kufuatia kuondolewa kwa Inter Miami , Lionel Messi hatacheza MLS kati ya Oktoba 22 mpaka mwisho wa Februari 2024. Hivyo Kutakuwa na mapumziko ya takribani miezi 4 ambayo inampa Messi fursa ya kujiunga na klabu yoyote nje ya MLS kwa mkataba wa mkopo.

Hii imewahi kutokea kwa nyota wakubwa kama David Beckham na Thierry Henry ambapo walichukua fursa hiyo ya mapumziko ya MLS na kuhamia kwenye vilabu vingine.

Beckham alienda AC Milan msimu wa 2008-09 na msimu wa 2009-10, huku Henry akarudi zake Arsenal kwa mkopo mnamo tarehe 6 Januari 2012.

Inter Miami itaheshimu matakwa ya Messi na kufanya mazungumzo, ikiwa anataka kwenda kwa mkopo Barcelona au klabu nyingine yoyote wakati wa mapumziko ya msimu wa MLS.

Ikiwa Lionel Messi atajiunga na Barcelona Januari, anaweza kucheza takriban mechi 6 mpaka 8 za La Liga, Supercopa de Espana, Michezo ya mtoano ya Copa Del Rey na Ligi ya Mabingwa raundi ya 16.

Je, wangapi mnatamani kumuona Messi akirejea Barcelona?