Messi ageuka kituko

Nyota Lionel Messi ameendelea kuwa kivutio huko Marekani ambapo watu mbalimbali wanajitokeza kwa wingi kumshuhudia nyota huyo akisakata kabumbu akiwa na klabu yake ya Inter Miami.

Alfajiri ya Julai 26, 2023, mtoto wa Msanii Dj Khaled Asahd Khaled alitokwa na machozi baada ya kumuona Messi katika mchezo dhidi ya Atlanta United ambapo nyota alifunga mabao mawili na kutoa pasi moja ya usaidizi wa bao kwenye ushindi wa bao 4-0 .

Mtoto huyo alianza kulia baada ya kupata nafasi ya kusimama na vikosi vya timu zote mbili ambapo yeye alisimama mbele ya Messi na kuanza kutokwa na machozi ,

Hata hivyo Asahd alipata picha na Messi na mchezaji huyo kumfuta machozi. Huu ni mwendelezo wa Messi kuwateka wadau mbalimbali ambapo wamekuwa wakihudhuria michezo ya Inter Miami ili kumuona Lionel Messi.