Medeama FC.
Mchambuzi wa masuala ya michezo nchini, Abissay Stephen amesema kuwa inaonyesha Medeama FC ya Ghana ni bora kuliko Yanga kutokana na performance yao ya mechi za Ligi ya mabingwa Afrika ambapo mpaka sasa wana alama tatu wakati Yanga wao wakiwa na alama moja tu.
Yanga atakuwa na kibarua mbele ya Medeama keshokutwa Ijumaa, nchini Ghana ambapo itakuwa inatupa karata yake ya tatu kwenye hatua ya maundi ya michuano hiyo.
"Kwa hoja ya kumuangalia mpinzani Medeama na ubora wa Yanga, ukitazama rekodi ya hivi karibuni ya Yanga kwenye michuano ya kimataifa unaweza ukasema ni bora kabisa kuliko Medeama.
"Hii ni kKwa sababu yeye ni makamu bingwa wa kombe la Shirikisho msimu uliopita, bado kwenye ligi kuu ni kinara anaongoza, lakini kwenye hatua hii ya klabu bingwa bado hajapata alama nyingi ana alama 1 na Medeama ana alama 3.
"Hivyo kwa jinsi msimamo wa group unavyoonekana inaonyesha Medeama yuko bora kuliko Yanga kwa hoja ya matokeo, lakini kwa hoja ya matumaini ya mbele mimi naona Yanga bado ni timu bora kuliko Medeama," amesema Abissay Stephen.