Mchezo utapigwa Manungu, Utelezi ni wa Kawaida -Thobias Kifaru

Baada ya Malalamiko ya wengi kuhusu maamuzi ya Mtibwa Sugar kupeleka mchezo wao dhidi ya Simba katika Dimba la Manungu, kuna jipya limeibuka.

Baada ya mvua kubwa iliyopiga usiku wa leo, uwanja huo umejaa maji jambo ambalo limezidi kuongeza wasi wasi kwa Wapenzi wa kandanda nchini kama mechi hiyo inaweza ikapigwa siku ya leo.

Sasa Afisa Habari wa Klabu ya wakata miwa Thobias Kifaru, amewatoa wapenzi wa Soka wasi wasi akieleza mbinu na hatua zote za msingi walizochukua kuhakikisha mtanange huo unapigwa;

"Kilichotokea ni kitu cha kawaida kwa kuwa tumetumia siku zaidi ya 45 kurekebisha huu uwanja na ulishakamilika ndio maana mamlaka zikaruhusu utumike, lakini mvua kubwa iliyoanza tangu saa tisa usiku mpaka saa kumi na mbili asubuhi ilifanya uwanja ukajaa maji"

"Ila tumechukua hatua madhubuti kutoa maji yaliyotuama uwanjani, na sasa hivi kama unavyoona kijua kimechomoza na niwakaribishe huku nikiwaomba wajiandae kisaikolojia" amesema Kifaru