Mchezaji achunguzwa kwa kudanganya umri, alizaliwa 1990, mama alifariki 1985

Shirikisho la Soka Barani Afrika, CAF, limeanzisha uchunguzi kuhusu udanganyifu wa umri unaodaiwa kufanywa na mchezaji wa Gabon ambaye alitangaza kuwa alizaliwa mwaka 1990 lakini ripoti inaonyesha tofauti katika madai yake ya umri.

Guelor Kanga alisema alizaliwa mwaka 1990 lakini imebainika kuwa mama yake alifariki dunia mwaka 1985 na hivyo kutilia shaka madai yake ya umri.

Kwa hivyo, Kanga, kwa sasa anachunguzwa kwa madai ya udanganyifu wa utambulisho baada ya kugundua kuwa "umri wa miaka 32" ambaye alidai alizaliwa mnamo 1990 aliripotiwa kupoteza mama yake mnamo 1985 (miaka 36 iliyopita).

Guélor Kanga ni mchezaji wa kulipwa ambaye anacheza kama kiungo mshambuliaji wa Red Star Belgrade na timu ya taifa ya Gabon.

Kanga ambaye asili yake ni Kongo aliombwa na CAF baada ya Shirikisho la Soka la Kongo (FECOFA) kuwasilisha malalamiko dhidi ya Gabon kwa kumchezesha mchezaji aliyelaghai utambulisho wake.

FECOFA inaamini kwamba Guelor Kamga ambaye pasipoti yake ya sasa inaonyesha alizaliwa Septemba 1, 1990 huko Oyem, ni Kiaku Kiaku Kiangana ambaye alizaliwa Oktoba 5, 1985 huko Kinshasa, DRC.

Raia hao wa Kongo wanaamini kuwa nyota huyo wa Res Belgrade alighushi utambulisho wake alipowasili katika klabu ya GBI ya daraja la pili ya Gabon.

Kulingana na wao, hakuna jinsi mchezaji huyo angezaliwa 1990 ikiwa mama yake alikufa mnamo 1985 isipokuwa angefufuka na kumzaa, ambayo ni wazi haiwezekani.

Iwapo mchezaji huyo atapatikana na hatia, Shirikisho la Soka la Gabon linaweza kushtakiwa kwa kughushi nyaraka za kiutawala zilizowasilishwa na mchezaji wake na kutofuata utaratibu wa FIFA unaohusiana na mabadiliko yake ya uraia wa michezo, alipohama kutoka Kongo kwenda Gabon.

Ukiukwaji huu unaweza kusababisha nchi hiyo kuondolewa katika michuano ya Kombe la Mataifa ya Afrika (AFCON) 2022 ambayo imepangwa kufanyika nchini Cameroon na kusimamishwa kwa matoleo mawili yajayo ya AFCON.