Mchezaji Bora wa mwezi Yanga kukomba mamilioni na Tuzo

Viungo washambuliaji wa Yanga, Maxi Nzengeli, Aziz Ki na beki wa timu hiyo, Dickson Job wametangazwa kuwa ndiyo wachezaji watatu wa kikosi hicho wanaowania tuzo ya mchezaji Bora wa Timu wa mwezi Oktoba.

Hayo yamesemwa leo Jumamosi, Oktoba 28, 2023 na Ofisa Habari wa Klabu ya Yanga, Ally Kamwe wakati akizungumza na wanahabari jijini Dar.

Akizungumza mapema leo, mwakilishi wa Shirika la Bima la Taifa (NIC), Karimu Meshack ambao ni wadhamini wa tuzo hiyo, amesema kuwa.

“Tuzo ya Mchezaji bora wa NIC insurance imezingatia vitu vingi ikiwemo ubora wa NIC kama brand, ubora wa Yanga kwa pamoja na uwepo wa wachezaji wazuri watakaoleta mchuano mkali, hivyo zawadi ya mshindi itakuwa bora, mshindi wa tuzo hizi atapatiwa kiasi cha shilingi milioni 4.

“Lakini pia mbali na kiasi cha Fedha mshindi atapatiwa tuzo itakayomfanya mchezaji apate historia kubwa isiyofutika, wanauliza tuzo hizi tutaanza kuzitoa lini jibu lao ni kwamba, baada ya wananchi kupiga kura, tutatoa tuzo hizi siku ya Jumanne,” Karimu Meshack