Mchambuzi: Yanga muda hauwasubiri

Mchambuzi wa Wasafi FM, Hans Raphael amesema kuwa Yanga wanatakiwa kujipanga na kwenda na kasi katika suala la usajili na kuhakikisha wachezaji wao wapya wanaingia kwenye mfumo mapema ili waweze kuendeleza moto wao wa msimu uliopita.

Hans amesema hayo wakati akizungumzia mafanikio ya mwaka mmoja madarakani wa Rais wa Klabu hiyo, Eng. Hersi Said na timu yake.

"Mwaka mmoja tangu aingie madarakani, Rais wa Yanga Eng. Hersi Said imefanya vizuri kuliko wakati wowote kwenye historia, Yanga imetwaa kila kitu katika misimu (2) mfululizo.

"Ameongea sahihi kabisa kuwa Yanga haisajili kwa mbwembwe wanasajili kwenye maeneo muhimu tu kikosini, mbwembwe walishazifanya huko nyuma.

"Lakini wanapaswa kutangaza mapema hao Wachezaji waliosajiliwa kwa sababu benchi la ufundi ni jipya linapaswa kukaa na Wachezaji kwa muda ili kutengeneza timu.

"Muda ni mchache sana. kumbuka Azam FC wamejipanga sana msimu huu, wamesajili kweli kweli. Simba SC wanadondosha vyuma tu, Yanga kukaa kimya inawashusha morali mashabiki wake tayari mashabiki wameanza kuwa na hofu na wasiwasi.

"Viongozi wa Yanga wanapaswa kujua msimu ujao utakuwa mgumu sana, wanatakiwa kuwa smart kwenye muda. Muda ni mchache sana," amesema Hans Raphael. Mchambuzi wa Wasafi FM.

Usajili Simba SC mpaka sasa 4 ◉ Willy Essomba Onana ◉ Aubin Kouame Kramo ◉ Che Fondoh Malone ◉ David Kameta Duchu

Usajili Azam FC mpaka sasa 4 ◉ Gibril Silla ◉ Cheikh Tidiane ◉ Allasane Diao ◉ Feisal Salum

Usajili Yanga SC mpaka sasa 1 ◉ Nickson Kibabage ◉ ........... ◉ ........... ◉ ...........