Mchambuzi: Lolote litawakuta Yanga kwa Al- Merrikh

Mchambuzi nguli wa masuala ya soka nchini kupitia Kituo cha Televisheni cha TV3, Alex Ngereza amesema kuwa Klabu ya Yanga wasidhani kwamba mchezo wao dhidi ya Al-Merrikh utakuwa mwepesi kwani timu hiyo ina uzoefu mkubwa kwenye michuano ya CAF tofauti na Yanga.

Ngereza amesema kuwa Yanga walikutana na timu dhaifu ya ASAS FC ya nchini Djibouti tofauti na Merrikh walikutana na timu ngumu, Otoho FC ya Congo Brazzaville, hivyo Yanga wajiandae kwa lolote.

"Matokeo waliyoyapata dhidi ya Asas yasiwape jeuri kuelekea mechi yao dhidi ya Al Merrekh kwa sababu walicheza na timu dhaifu sana kulinganisha na Al Merrekh ambayo wao kufuzu makundi CAF ni kawaida sana kwao," amesema Ngereza.