McKinstry kocha mpya wa Pa Omar Jobe

Shirikisho la Soka Gambia limetangaza kumteua Jonathan McKinstry (38) kuwa Kocha Mkuu mpya wa timu yao ya taifa.

Kocha huyo amesaini mkataba wa miaka miwili ambapo kazi yake kubwa ni kuhakikisha Gambia inafuzu Fainali za Mataifa ya Afrika AFCON 2025 nchini Morocco.

Jonathan ameondoka katika Klabu ya Gor Mahia ya Kenya baada ya kuipatia Kombe la Ligi Kuu nchini Kenya msimu wa 2023/2024.

Mbali ya kuifundisha Gor Mahia aliwahi kuwa kocha mkuu wa timu za Taifa za Uganda na Rwanda.

Ikumbukwe kuwa Mshambuliaji wa Simba SC, Pa Omar Jobe ni raia wa Gambia, ambako Jonathan McKinstry atafanya kazi yake hadi mwaka 2026.