Mbappe aipeleka Ufaransa hatua ya 16 bora

Mshambuliaji Kylian Mbappe ameihakikishia Ufaransa kutinga hatua inayofuata ya michuano ya Kombe la Dunia inayoendela nchini Qatar baada ya kufunga mabao ya ushindi dhidi ya Denmark.

Ufaransa ambao ni mabingwa watetezi wamekuwa timu ya kwanza Kundi D kujihakikishia kutinga hatua inayofuata baada ya jana kuibuka na ushindi wa mabao 2-1.

Mabao yote mawili ya Ufaransa yamefungwa na Mbappe dakika za 61 na 86 huku la Denmark likifungwana Christensen.

Ufaransa ilishinda mchezo wa kwanza wa ufunguzi dhidi ya Australia kwa mabao 4-1.