Nyota wa Klabu ya PSG, Kylian Mbappe na Neymar
Mastaa wanaokipiga katika klabu ya PSG, Klyian Mbappe na Neymar wametuliza hali ya hewa kutokana na uvumi unaoendelea kwa kazi kuwa hawaelewani baada ya Mbappe kutumia lugha mbaya dhidi ya Neymar Jr.
Kylian Mbappe amesema wapo shwari na alizungumza na mchezaji mwenzake Neymar kuhusiana na tamko la matusi alilotumia dhidi ya Mbrazil huyo katika moja ya mechi zao mwezi uliopita.
Winga huyo mwenye umri wa miaka 22 alisikika akisema "huyu makalio, hawezi kunipigia pasi'' baaada ya kutolewa uwanjani wakati wa mechi yao dhidi ya Montpellier.
"Ndio, ni kweli, Nilisema hivyo. Haya ni mambo hutokea kila wakati katika soka," alisema Mbappe
"Mara baada ya kugundua tamko hilo limegeuka kuwa kubwa, Nilizungumza naye."
PSG ilishinda 2-0 katika mechi hiyo dhidi ya Montpellier kabla ya kuinyuka Manchester City mabao 2-0 katika mechi ya Ligi ya Mabingwa hatua ya makundi.
Akizungumza katika mahojiano na L'Equipe, Mbappe amesema "Tushawahi kujibizana maneno kama hayo siku zilizopita na tutaendelea kufanya hivyo, kwa sababu tunataka kushinda, lakini hatufanyi hivyo kwa nia mbaya"
"Hakuna chuki baina yetu kabisa kwa sababu namheshimu kama mchezaji na mwanaume , na pia napenda kile anachofanya."
Mbappe ambae alikuwa akifanya kila jitihada ili akajiunge na Madrid lakini uhamisho wake ulikwama katika dirisha la majira ya kiangazi.
Mkataba wake na PSG unaisha mwishoni mwa msimu na anatarajiwa kuondoka akiwa mchezaji huru