Che Fondoh Malone
Yule beki kitasa ambaye iliripotiwa kuwa amemalizana na Simba, Che Fondoh Malone kutoka Cameroon ametua nchini alfajiri ya jana na alityarajiwa kutambulishwa na mabosi wa klabu hiyo akiwa amekuja kuziba nafasi ya Joash Onyango aliyehamia Singida Big Stars.
Ifahamike kwamba mchezaji huyo ameongozana na meneja wake, Tamanji Lawrence kwa ajili ya kuja kumalizana dili hilo baada ya mabosi wa Simba kumalizana na timu ya Cottonsport.
Malone alitua nchini kutokea Cameroon akipitia Ethiopia ikiwa ni saa chache tu baada ya Onyango kuonekana akiwa na jezi ya Singida, baada ya mvutano wa muda mrefu akitaka kuondoka Msimbazi kutokna na kutokuwa na furaha kwa muda mrefu, huku mabosi wakisubiri kupata mbadala wake.
Kitasa hicho kutoka CotonSport anamudu pia kucheza kama beki wa kulia na kiungo ukabaji ametu kuongeza nguvu ukuta wa Simba akishirikiana na mabeki anaowakua kikosini, Henock Inonga na Kennedy Juma sambamba na Nassor Kapama anyetumika pia kama kiraka.
Malone alikuwa mmoja wa nyota muhimu wa kikosi cha Cotonsport baada ya kucheza mechi 78 katika Ligi Kuu, Fa na Ligi ya Mabingwa Afrika.
Malone amecheza mechi 10 za Ligi ya Mabingwa msimu uliopita kuanzia raundi ya awali hadi makundi na alitoa pasi ya bao katika mchezo wao dhidi ya Mamelodi Sundowns ya Afrika Kusini.
Beki huyu inadaiwa amesajiliwa kwa mkataba wa miaka miwili na jana au leo mabosi wa Siomba walipanga kumtambulisha rasmi kama ilivyokuwa kwa Leandre Onana na Aubin Kramo Kouame.