Mazungumzo ya Barca na Dembele kuhusu mkataba mpya yavunjika

Kulingana na jarida la michezo la Goal mkutano baina ya wawakilishi wa winga Ousmane Dembele na Barcelona umevunjika baada ya kushindwa kufikia makubaliano.

Kwa taarifa hizo sasa iko wazi Ousmane Dembele huenda akaondoka Barcelona msimu huu wa joto baada ya mazungumzo ya kuongeza mkataba na klabu hiyo kuvunjika.

Mazungumzo hayakwenda kama vile Barcelona walivyotarajia na maombi ya mkataba wa Dembele hayakutimizwa. Pande zinasalia mbali sana katika mapendekezo yao ya mishahara.

Hata hivyo, Meneja Xavi na uongozi wanasalia na matumaini kwamba makubaliano yanaweza kuafikiwa licha ya hali mbaya. Mkataba wa sasa wa Dembele unamalizika msimu huu na yuko huru kufanya mazungumzo ya awali ya mkataba na vilabu vingine kuanzia Januari 1.

Matumaini yalikuwa kwa Barcelona kufikia makubaliano na winga huyo wa Ufaransa kabla ya tarehe hiyo, lakini mazungumzo ya wiki hii yalivurugika pale Dembele alipokataa kukatwa mshahara.