Mayele kukutana na Messi leo

Mshambuliaji wa Pyramid FC ya Misri, Mkongomani, Fiston Kalal mayele leo atakutana na nyota wa timu ya taifa Argentina Lionel Messi katika usiku wa Tuzo za Mchezaji Bora wa Afrika.

Shirikisho la Soka Afrika (CAF) limemualika mshindi huyo wa Kombe la Dunia mwaka 2022 na amethibitisha kuwepo katika tuzo hizo zitakazofanyika nchini Morocco.

Mayele ni miongoni mwa wachezaji wanaowania Tuzo ya Mchezaji Afrika kwa wachezaji wanaocheza ndani.