Mayele amehusika katika mabao 20 msimu huu

Mshambuliaji kinara wa Yanga, Fiston Kalala Mayele ameweka rekodi ya aina yake ndani ya klabu hiyo baada ya kuhusika katika mabao 20 tangu kuanza kwa msimu huu wa 2022/2023.

Mayele jana Novemba 22, 2022 alifunga mabao mawili dhidi ya Dodoma Jiji, kwenye michezo (10) Ligi Kuu Tanzania Bara aliyocheza mpaka sasa, Fiston Mayele amehusika kwenye magoli 10 ambapo amefunga mabao nane na assists mbili.

Katika michezo yote 17 ya kimashindano ambayo amecheza msimu huu, Fiston Mayele amehusika kwenye magoli 20; akifunga mabao 8 na kutoa assists 2 kwenye Ligi Kuu ya NBC, mabao 7 kwenye Ligi ya Mabingwa, mabao 2 kwenye Ngao ya Jamiina assist 1 kwenye Kombe la Shirikisho Afrika.

Hakuna mchezaji mwingine anayecheza Ligi Kuu ya Tanzania Bara ambaye mpaka sasa amehusika katika idadi hiyo ya mabao msimu huu.