Mayanga arudi nyumbani Mtibwa

Hatimaye Uongozi wa klabu ya Mtibwa Sugar umemrejesha kundini Kocha Mzawa Salum Shaban Mayanga kuwa Kocha Mkuu wa kikosi cha klabu hiyo.

Mayanga alikua anatajwa kupewa jukumu hilo, baada ya kuondoka kwa Kocha kutoka nchini Cameroon Joseph Omog ambaye ameonesha kushindwa kazi aliyopewa miezi miwili iliyopita.

Mayanga anarejea Mtibwa Sugar, baada ya kuvunja mkataba wake na klabu ya Tanzania Prisons aliyoitumikia kwa msimu miwili, huku akikifanya kikosi cha klabu hiyo kiwe cha kuogopwa msimu uliopita 2020/21.

Kocha huyo anarudi nyumbani huku kikosi cha Mtibwa Sugar kikipata ushindi wa kwanza msimu huu 2021/22, kwa kuifunga Biashara United Mara Jana jumapili (Desemba 12), Uwanja wa Manungu Complex.