Maxime: Sitanufaika na ugeni wa Benchika kesho

Kocha wa Kagera Sugar, Mecky Mexime amesema hakuna faida yoyote anayopata kutokana na ugeni wa kocha wa Simba, Abdelhak Benchikha.

Mexime amesema ingekuwa ni yeye na kocha huyo wanaingia kwenye mpambano basi angempoteza mapema kwa kumpitisha katika njia ambazo kutokana na ugeni wake angepotea.

"Kama ingekuwa ni mimi na yeye ningempoteza mapema kabisa, mfano ingekuwa ni mbio kati yetu naingia Keko naingia ndani ndani huko atanionea wapi na ugeni wake?

lakini kwa kuwa ni mchezo wa mpira hakuna ugeni wowote kwake," amesema Mexime.

Kocha huyo mwenye tambo nyingi anamaliza kwa kusema imani yake ni kuwa na mchezo mzuri Kagera Sugar watakapoalikwa na Simba katika Uwanja wa Uhuru kesho.